Зөөврийн ариун цэврийн өрөө

"ИЖ БҮРДЭЛ" АРИУН ЦЭВРИЙН ӨРӨӨ

4,000,000

“ИЖ БҮРДЭЛ” ЗӨӨВРИЙН АРИУН ЦЭВРИЙН  ӨРӨӨ

Бохирын савны хэмжээ - 190 литр

Зөөврийн ариун цэврийн өрөөг бие засах газар хаана хэрэгтэй байна тэнд байрлуулж, хэрэглэж болдогоороо онцлоготой юм. Цэвэр бохир усны холболт, цахилгаан шаардадгүй, бие даасан өрөө юм.

Зөөвөрлөхөд хөнгөн (2 хүн өргөх боломжтой), угааж цэвэрлэхэд хялбар.  

Олон нийтийн газар, соёл, спортын төрөл бүрийн арга хэмжээнүүд, жуулчны бааз, хотын гудамж, ил задгай кафе, парк, зуслан, гэр хороолол, барилга, уул уурхай, хурим найрын үеэр хэрэглэж болно.

Ариун цэврийн өрөө нь дотроо гар угаалтуур, шээлтүүр, толь, хувцас, цүнхний өлгүүр, ариун цэврийн  цаас тогтоогч, цоож, түгжээтэй тул ая тухтай бие засах боломжийг олгоно.   

Зөөврийн ариун цэврийн өрөөг бохирын машинаар соруулах эсвэл цэвэр бохир ус эсвэл септиктэй холбож болно.

 Үзүүлэлт:

  • Цэвэр бохир ус болон цахилгааны холболт хэрэггүй. Нүх ухах шаардлагагүй.
  • Цэвэр бохирын холболт, шугаманд холбож болно.
  • Ялаа, шумуул цугладаггүй, өт үрждэггүй.
  • Бохирын үнэр үнэртдэггүй.
  • Бохир  харагдахгүй.
  • Жин - 85 кг
  • Угаалтуур – 50 л
  • Хэмжээ (урт х өргөн х өндөр) – 110 м х 110 м х 230 м
  • Бохирын савны хэмжээ – 190 литр (300 удаа бие засна)
  • 300 удаа бие засахад 250 мл бохир задлах бодисыг устай хольж хэрэглэнэ (зуны аагим халуунд 350-450 мл бохир задлах бодисыг устай хольж хэрэглэнэ).
  • Ашиглалтын хугацаа - 10 жилээс дээш.

Ашиглалтын заавар:

Цэнэглэлт:

  1. Жорлонгийн суултуурын тагийг өргөж, төмрөөр нь тэгнээд уг тагийг онгорхой байлгана.
  2. Бохирын саванд 6 литр ус, 250 мл бохир задлагч, үнэр даргагч бодисыг хийнэ (аагим халуунд 350-450 мл бодис хийнэ). Жорлонгийн суултуурыг буулгана.
  3. Гар угаалтууранд 50 литр цэвэр ус хийнэ. 

Био жорлонг ашиглахад:

  1. Бие зассаны дараа шалан дээр байрлах хар гишгүүрийг хөлөөрөө дарж жорлонгийн усыг татна.
  2. Угаалтуурын доор байрлах хар гишгүүрийг хөлөөрөө дарж, угаалтуурын усыг хэрэглэнэ. 

Бохирын савыг суллах:

  1. Хэрэв ариун цэврийн  өрөөг цэвэр бохир усны хоолой эсвэл септиктэй холбоогүй бол бохирыг бохирын машинаар соруулна.  
  2. Бохирын саванд 10 литр ус, 30 мл бохир задлагч бодисыг хийж урт иштэй сойзоор савыг угаана. Бохирыг соруулна. Дахин ус хийж бохирын савыг соруулна.
  3. Бохирын саванд 6 литр цэвэр ус, 250 мл бохир задлах бодисыг хийж, бохирын савыг цэнэглэнэ. 

Анхаарах зүйлс:

  1. Бохирын саванд ариун цэврийн хэрэглэл, элдэв хоол хүнс, хаягдал хог хийхийг хориглоно.
  2. Зуны аагим халуунд бохирын саванд 350-450 мл бохир задлагч, үнэр дарагч бодисыг хийнэ.
  3. Био жорлонг бохир задлагч бодисгүйгээр хэрэглэж болохгүй.